ବର୍ତ୍ତମାନ ପାରମ୍ପରିକ ଛନ୍ଦୋବଦ୍ଧ କବିତାର ଲୋକପ୍ରିୟତା ବଢୁଛି କି?

[Anonymous]

ଦେଖାଯାଉଛି ଯେ ଆଜିକାଲି ତଥାକଥିତ ଛନ୍ଦ-ବିହୀନ ଆଧୁନିକ କବିତାକୁ ପାଠକ ମାନେ ଆଉ ପସନ୍ଦ କରୁନାହାନ୍ତି। ବରଂ ରୀତି ଯୁଗର ମିତ୍ରାକ୍ଷର କବିତା ଓଡ଼ିଆ ସାହିତ୍ୟକୁ ଫେରିଲାଣି। ଏହା କଣ ସୂଚାଇ ଦିଏ ଯେ ଆଧୁନିକ ଉଦ୍ଭଟ କବିତାର ଦିନ ସରିଆସିଲାଣି?

• This topic was modified 4 years, 3 months ago by sahityacharcha.
• This topic was modified 7 months, 2 weeks ago by sahityacharcha.
• This topic was modified 7 months, 2 weeks ago by sahityacharcha.

[Anamika Das]

ଛନ୍ଦ ଓ ଲାଳିତ୍ୟ ବିନା କବିତା କ’ଣ କେବେ ତିଷ୍ଠିପାରେ? ଏହା ତ ଘଟିବାର ଥିଲା। ଉପେନ୍ଦ୍ର ଭଂଜଙ୍କୁ ଲୋକେ କାଳେକାଳେ ମନେରଖିଥିବେ, ହେଲେ ଅବୋଧ୍ୟ ଆଧୁନିକ କବିତାର ସ୍ରଷ୍ଟାମାନେ ଏମିତିକା ବିସ୍ମୃତିକୁ ଚାଲିଯିବେ।

[Bibek]

ବର୍ତ୍ତମାନ ପାରମ୍ପରିକ ଛନ୍ଦୋବଦ୍ଧ କବିତାର ଲୋକପ୍ରିୟତା ଦିନକୁ ଦିନ କମିବାରେ ଲାଗୁଛି। ଏହା ଉପରେ କାହାର ବି ଦୃଷ୍ଟି ପଡୁନାହିଁ।

[Gopabandhu]

ଗଦ୍ୟ ଛନ୍ଦରେ ଏତେ ମାତ୍ରାରେ କବିତା ଲେଖା ଯାଉଛି ଯେ ଛାନ୍ଦୋବଦ୍ଧ କବିତା ତାର ତୁଳନାରେ କମ ପଡ଼ିଯାଉଛି। ମାତ୍ର ଛାନ୍ଦୋବଦ୍ଧ କବିତାର ଲୋକପ୍ରିୟତା ବଳବତ୍ତର ରହିଛି।

[debashis]

ଦିନ ଥିଲା ଲୋକମାନେ ଗୀତିଧର୍ମୀ ଛନ୍ଦୋବଦ୍ଧ କବିତା ରଚନା କରୁଥିଲେ। ଆଧୁନିକ କବିତା ଲେଖା ହେବା ପରେ ଗଦ୍ୟ କବିତା ଲେଖିବା ଆରମ୍ଭ କଲେ। ବର୍ତମାନ ଲୋକମାନେ ପୁନଃ ସେଇ ପୁରୁଣା ଶୈଳୀରେ ଚଉପଦୀ, ଚଉତିଶା, କୋଇଲି, ଜଣାଣ ଆଦି ଗୀତି କବିତା ମାନ ରଚନା କଲେଣି। ଯାହା ପାଠକମାନଙ୍କ ମନକୁ ଆନନ୍ଦ ପ୍ରଦାନ କରିପାରୁଛି।

[Author]

Posts